молитвенник, сборник молитв, молитвы на каждый день, молитвы против недугов, это должен знать каждый, православная литература, архив mp3, редкие молитвы, православные посты, просьбы о помощи, vjkbndtyybr, ghfdjckfdbt, православие

Молитва о мире в Украине
 
Читаем вместе в 21:00
 
Владыко Вседержителю, Святый Царю. Призри с небесе и виждь, како враждуют людие земли нашея и замышляют друг на друга суетное и злобное. О, Многомилостиве! Прости грехи и беззакония наша, ихже ради многия скорби, беды и устрашения приидоша на ны. Благодатию Пресвятаго Духа ороси любовию изсохшия сердца людския, тернием самолюбия, ненависти, зависти, злобы, вражды, лукавства и иных беззаконий поросшия, да возрастят горящую к Тебе и братиям своим любовь, и ею да будут истреблены вси распри, раздоры, разделения во Отечестве нашем. Усердно молим Тя: мир державе нашей даруй, Церкви Твоей и всем людем земли нашея. Ты бо еси Царь мира и мира Твоего несть предела и Тебе слава и благодарение и поклонение от всех да возсылается, ныне и присно и во веки веков.
Аминь.
 
По Благословению Митрополита Киевского и всея Украины Владимира.
 

Молитва о даровании молитвы

 

Научи мя, Господи, усердно молиться Тебе со вниманием и любовью, без которых молитва не бывает услышана! Да не будет у меня небрежной молитвы во грех мне!

 

Молитва оптинских старцев о даровании молитвы Иисусовой

 

Господи Иисусе Христе, Сыне Божий, имени Твоему покланяются Ангели и человецы, Твоего имени трепещут адские силы. Твое имя верное оружие на прогнание супостата, Твое имя попаляет грехи и страсти, Твое имя подает силу в подвигах, собирает воедино рассеянный ум и, во исполнении заповедей Твоих, обогащает добродетелями, Твое имя творит чудеса, и соединяет нас с Тобою, дарует мир и радость о Духе Святом, а в жизни будущей Царство Небесное. Сего ради я, недостойный раб Твой, молюся Тебе: прожени от нас неведение духовное, просвети познанием Божественной истины и научи нас незаблудно, во смирении, внимательно, с чувством покаяннаго сокрушения, устами, умом и сердцем творить непрестанно молитву сию: Господи Иисусе Христе, Сыне Божий, помилуй мя, грешнаго. Ты бо рекл еси, Господи, пречистыми устами Твоими: Аще что просите во имя Мое, то сотворю. Се молитвами Пречистыя Матери Твоей, святителя Иоасафа Белградскаго, святителя Николая Мирликийскаго, преподобнаго Серафима Саровскаго и всех преподобных отец наших о имени Твоем прошу молитвы пресвятаго и всемогущаго имени Твоего. Услыши мя, обещавый услышать всех призывающих Тя во истине. Твое бо есть еже миловати и спасати и даровати молящемуся во славу Твою со Отцем и Святым Духом. Аминь.

Псалом Давида,138



Господи, искусил мя еси и познал мя еси. Ты познал еси седание мое и востание мое. Ты разумел еси помышления моя издалеча: стезю мою и уже мое Ты еси изследовал, и вся пути моя провидел еси. Яко несть льсти в языце моем: се, Господи, Ты познал еси. Вся последняя и древняя: Ты создал еси мя, и положил еси на мне руку Твою. Удивися разум Твой от мене, утвердиться, не возмогу к нему. Камо пойду от Духа Твоего? И от лица Твоего камо бежу? Аще взыду на небо — Ты тамо еси, аще сниду во ад — тамо еси. Аще возму криле мои рано и вселюся в последних моря — и тамо бо рука Твоя наставит мя и удержит мя десница Твоя. И рех: еда тьма поперет мя, и нощь просвещение в сладости моей? Яко тьма не помрачится от Тебе, и нощь, яко день, просветится, яко тьма ея, тако и свет ея. Яко Ты создал еси утробы моя, воспринял мя еси из чрева матере моея. Исповемся Тебе, яко страшно удивился еси: чудна дела Твоя, и душа моя знает зело. Не утаися кость моя от Тебе, юже сотворил еси в тайне, и состав мой в преисподних земли. Несоделанное мое видесте очи Твои, и в книзе Твоей вси напишутся, во днех созиждутся и никтоже в них. Мне же зело честни быша друзи Твои, Боже, зело утвердишася владычествия их. Изочту их, и паче песка умножатся. В остах, и еще есмь с Тобою. Аще избиеши грешники. Боже, мужие кровей, уклонитеся от мене. Яко ревниви есте в помышлениих, приимут в суету грады Твоя. Не ненавидящыя ли Тя, Господи, возненавидех, и о вразех Твоих истаях? Совершенною ненавистию возненавидех я, во враги быша ми. Искуси мя, Боже, и увеждь сердце мое, истяжи мя и разумей стези моя, и виждь, аще путь беззакония во мне, и настави мя на путь вечен.

Молитвы в отчаянии



Преподобному Афанасию Афонскому

 

Среди множества чудес, совершенных Афанасием при жизни, была особенно замечательна скорая помощь отчаявшимся.



Молитва

 

Преподобне отче Афанасие, изрядный угодниче Христов и великий Афонский чудотворче, во дни земнаго жития твоего многия на путь правый наставивый и во царствие Небесное мудре руководивый, скорбныя утешивый, подающым руку помощи подавый и всем любезен, милостив и сострадален отец бывый! Ты и ныне, в небесней пребывая светлости, наипаче умножаеши любовь твою к нам немощным, в мори житейстем различие бедствующым, искушаемым духом злобы и страстьми, воюющими на дух. Сего ради смиренно молим тя, святый отче: по данней тебе от Бога благодати помози нам волю Господню в простоте сердца и смирении творити: искушения же вражия победити и свирепое страстей море да тако немокренно прейдем житейскую пучину и предстательством твоим ко Господу сподобимся достигнути обетованнаго нам Царствия Небеснаго, славяще Безначальную Троицу, Отца и Сына и Святаго Духа, ныне и присно, и во веки веков. Аминь.

Молитвы, читаемые от злых помыслов



В сборник вошли молитвы, читаемые при нападении хульных, блудных помыслов, при непрощении обид и злобы на ближняго, правило от осквернения и прочие молитвы, помогающие христианину вести духовную брань. — М.: Издание храма пророка Даниила на Кантемировской, 2005. 48 с.



Молитвы на избавление от хульных помыслов




Аще иерей, глаголет сице:

 

Благословен Бог наш всегда, ныне и присно, и во веки веков. Аминь.



Аще же мирский:

 

Молитвами святых отец наших Господи Иисусе Христе Боже наш, помилуй нас. Аминь.

Слава Тебе, Боже наш, слава Тебе.



Молитва Святому Духу

 

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.



Трисвятое

 

Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясным поклоном)

Слава Отцу и Сыну и Святому Духу, и ныне, и присно, и во веки веков. Аминь.



Молитва ко Пресвятой Троице

 

Пресвятая Троице, помилуй нас; Господи очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй. (Трижды)

Слава Отцу и Сыну и Святому Духу, и ныне, и присно, и во веки веков. Аминь.

Молитвы и псалмы на всякую потребу души

 

Молитвы и псалмы

На всякую потребу души

 

Преподобный Паисий Святогорец

Наследие святого Паисия Святогорца



Этот молитвослов содержит избранные псалмы и молитвы с указанием, в каких случаях и обстоятельствах их читал великий подвижник нашего времени святой Паисий Святогорец в соответствии с практикой греческого православного благочестия.

Молитва о избавлении от искушений



икона Преподобного Симеона Нового Богослова



Прп. Симеона Нового Богослова

Не попусти на меня, Владыко Господи, искушение или скорбь, или болезнь свыше силы моей, но избавь от них, или даруй мне крепость перенести их с благодарением.

По свидетельству духовной дочери старца Георгия, прозорливой старицы схимонахини Олимпиады (Ивановой), преподобноисповедник Георгий явился ей во сне после смерти и сказал, как надо молиться:


Молитва

Всемилостивый Господи, прости все мои согрешения вольные и невольные. Сохрани мя от враг видимых и невидимых, от лихих и злых людей. Укрой мя от властителей. Пошли мне в жизни то, что мне нужно. И будет во всем Твоя святая воля.
Читать псалом 90-й.

Молитва о прощении грехов своего рода


Господи Милосердный и Судия Праведный, наказавший детей за нераскаянные грехи родителей до третьего и четвертого рода! Помилуй и прости меня, мою семью, моих живых и уже усопших сродников и весь усопший мой род. За великие и тяжкие грехи богоотступничества, за преступление и попрание соборной клятвы и крестоцелование народа Русского на верность Богоизбранному Царскому роду, за измену и предательство на смерть Помазанника Божия – Святого Царя Николая 2 Александровича и всей его Святой семьи, за отречение от Бога и Православной веры, за гонение на Святую Веру и Церковь, за разрушение и осквернение храмов Божьих, Святынь и своего Православного Отечества за идолопоклонство и почитание богомерзких праздников, обрядов, идолов, символов и идеалов сатанинской религии богоборцев, за все самоубийства, убийства, колдовство, блуд, разврат, матерщину, богохульство и все аборты, совершенные в роде моем, и за все прочие тяжкие грехи, хуления, кощунства, скверны и беззакония рода моего от века сделанные, о них же Ты вся веси, Господи.

Настваи нас до конца во гресех наших не погибнути. Но остави, ослаби, помилуй и прости меня, мою семью, моих родителей, сродников, весь усопший мой род. Разреши соузы греха и неправды растерзай клятву коей мы связанны за беззакония наша, сними проклятия за эти страшные грехи с меня и со всего моего рода.

Аминь.


Помяни, Господи, весь почивший род мой: всех иже от праотца нашего Адама, усопших сродников, прародителей праотцев, праматерей и всех от века и до днесь почивших сродников моих по плоти, их же имена Ты вся веси и ослаби, остави, помилуй и прости им вся согрешения их вольная и невольная и даруй им Царство небесное.

Аминь.

Молитва ко Господу на учебу / экзамен



Господи Иисусе Христе, Сыне Божий, благослови меня на учебу / экзамен, пошли помощь Твою святую, до возмогу достичь желанного: угодного Тебе, Господи, и для меня полезного. Аминь.

Преблагий Господи, низпосли нам благодать Духа Твоего Святаго, дарствующаго и укрепляющаго душевныя наши силы, дабы, внимающе преподаваемому нам учению, возросли мы Тебе, нашему Создателю, во славу, родителям же нашим на утешение, Церкви и отечеству на пользу. Аминь.



икона Прибавление ума



Молитва Пресвятой Богородице на учебу / экзамен



Богородице Пречистая, Доме, егоже созда Себе Премудрость Божия, даров духовных Подательнице, от мира к премирным ум наш возводящая и всех к познанию разума приводящая!
Приими молебное пение от нас, недостойных раб Твоих, с верою и умилением покланяющихся пред пречистым образом Твоим. Умоли Сына Твоего и Бога нашего, да дарует властем нашим мудрость и силу, судиям правду и нелицеприятие, пастырем мудрость духовную, ревность и бдение о душах наших, наставником смиренномудрие, чадом послушание, всем же нам дух разума и благочестия, дух смирения и кротости, дух чистоты и правды.
И ныне, Всепетая, Вселюбимая наша Мати, подай нам ума прибавление, умири, соедини во вражде и разделении сущия и положи им соуз любве неразрешимый, всех заблуждших от неразумия к свету истины Христовы обрати, страху Божию, воздержанию и трудолюбию настави, слово премудрости и душеполезное знание просящим даруй, осени нас вечною радостию, Херувимов светлейши и Серафимов честнейши сущая. Мы же, славная дела и многоразумную премудрость Божию в мире и жизни нашей видяще, устранимся земныя суеты и излишних житейских попечений, и ум, сердце наше на Небеса возведем, яко да Твоим заступлением и помощию славу, хвалу, благодарение и поклонение за вся в Троице славимому Богу и всех Создателю возсылаем, ныне и присно и во веки веков.
Аминь.

икона Спиридона Тримифунтского

 
О преблаженне святителю Спиридоне!
Умоли благосердие Человеколюбца Бога, да не осудит нас по беззакониям нашим, но да сотворит с нами по милости своей.
Испроси нам, рабам Божиим (имена), у Христа и Бога наше мирное безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов.
Поминай нас у престола Вседержителя и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдная и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно, и во веки веков.
Аминь!

Архангел Михаил

Молитва первая



О, святый Михаиле Архангеле, светлообразный и грозный Небесного Царя воеводо! Прежде Страшного Суда ослаби ми покаятися от грехов моих, от сети ловящих избави душу мою и приведи ю к сотворшему ю Богу, селящему на херувимех, и молися о ней прилежно, да твоим ходатайством поедет ю в место покойное. О грозный воеводо небесных сил, предстателю всех у Престола Владыки Христа, хранителю твердый всем человеком и мудрый оружниче, крепкий воеводо Небеснаго Царя! Помилуй мя грешнаго, требующаго твоего заступления, сохрани мя от всех видимых и невидимых враг, паче же подкрепи от ужаса смертнаго и от смущения диавольского, и сподоби мя непостыдно предстати Создателю нашему в час страшного и праведного суда Его. О всесвятый великий Михаиле Архистратиже! Не презри мене грешнаго, молящегося тебе о помощи и заступлении твоем в веце сем и в будущем, но сподоби мя тамо купно с тобою славити Отца и Сына, и Святого Духа во веки веков. Аминь

О, Всеблагий Господи, я знаю, что великое счастие мое зависит от того, чтобы я Тебя любила всею душею и всем сердцем моим, и чтобы исполняла во всем святую волю Твою. Управляй же Сам, о Боже мой, душею моею и наполняй сердце мое: я хочу угождать Тебе Одному, ибо Ты Создатель и Бог мой. Сохрани мя от гордости и самолюбия: разум, скромность и целомудрие пусть украшают мя. Праздность противна Тебе и порождает пороки, подай же ми охоту к трудолюбию и благослови труды моя. Поелику же Закон Твой повелевает жить людям в честном супружестве, то приведи мя, Отче Святый, к сему, освященному Тобою, званию, не для угождения вожделению моему, но для исполнения предназначения Твоего, ибо Ты Сам сказал: нехорошо человеку быть одному и, создав ему жену в помощницу, благословил их расти, множитися и населяти землю. Услышь смиренную молитву мою, из глубины девичего сердца Тебе возсылаемую; дай мне супруга честнаго и благочестиваго, чтобы мы в любви с ним и в согласии прославляли Тебя, милосерднаго Бога: Отца и Сына и Святаго Духа, ныне и присно и во веки веков. Аминь.

управление размером текста

Α + Увеличить | α - Уменьшить

разделы сайта

обратите внимание

ThePrayerBook.info - Молитвенник также (паралельно) доступен и по короткому адресу pb.pe

Админситарция сайта ищет соавторов для дальнейшего ведения сайта. Желающим обращаться через форму обратной связи

опрос

Вы из ?

Все опросы

Реклама

Православные фильмы онлайн