молитвенник, сборник молитв, молитвы на каждый день, молитвы против недугов, это должен знать каждый, православная литература, архив mp3, редкие молитвы, православные посты, просьбы о помощи, vjkbndtyybr, ghfdjckfdbt, православие

» » Акафист, канон и житие святой мученицы Ирины

 

Святая мученица Ирина



Акафист святой мученице Ирине



Кондак 1


Избранной Богом от идолослужительнаго рода на просвещение языков, богомудрей и преславней невесте Христовой Ирине, благодарственное и хвалебное пение воспоем ти молитвенницы твои, святая и многострадальная великомученице Ирино. Ты же, имущи дерзновение ко Господу, от всяких нас бед и скорбей свободи, да зовем ти:

Радуйся, Ирино, невеста Христова преславная.



Икос 1


Ангельскую честную и вселюбезную чистоту, святая мученице Ирино непорочно сохранила еси, со Ангелы купно сподобилася еси Богу трисвятую песнь воспевати на небеси, услыши нас, тебе верно поющих на земли:

Радуйся, отроковице, Богом Отцем предуставленная быти сообразна в страдании образу Сына Его; радуйся, Сыном Божиим из тьмы в благодатный свет призванная. Радуйся, яко приимше Духа Святаго в отрочестве идолослужение отринула еси; радуйся, земнаго обручника паче Небеснаго знати не восхотела еси. Радуйся, убелившая ризы твоя в крови Агнчей на земли; радуйся, в Небеснем Чертозе со Христом царствуеши на Небеси;

Радуйся, Ирино, невесто Христова преславная.



Кондак 2


Видяще, святая мученице Ирино себе на величественнем столпе от Отца поставлену, помышляше себе, о Промысле Божием разумевая, о творчестем создании небеси и земли и бездушных идолех, умне восходяще от тьмы ко свету, от идолослужения к истинному Богу, Емуже вернии воспевают: Аллилуиа.



Икос 2


Божией Премудрости вместилище ты была еси, непорочная отроковице, измлада от любви к миру и вся, яже в мире, отвергшаяся. Всею душею Твоею Христа Жениха возлюбила еси, Емуже равноапостольно послужила еси, среди неверных проповедуя им Истиннаго Бога. Сего ради таковому твоему разуму дивяся, глаголем:

Радуйся, премудрая Евангельская Дево, правой веры и дел благих исполненная; радуйся, паче мудрецов мира сего разумнейшая. Радуйся, о проповедании веры благоглаголивыя уста апостольския; радуйся, христианских дев украшение. Радуйся, оружием Креста Христова демоны отгоняющая; радуйся, верная ко Господу о нашем спасении молитвеннице.

Радуйся, Ирино, невесто Христова преславная.



Кондак 3


Сила Божия дадеся тебе, святая великомученице Ирино, во святем Крещении, егда пресвитер Тимофей, просветив тя, даде тебе послание святых апостолов, сим призывая тя на великое апостольское служение. Ты же, исполнившись Духа Премудрости, пред лицем царя, отца твоего Ликиния, все златые идолы безбоязненно сокрушила еси и яко раба Господня едину православную веру в Бога Отца и Сына и Святаго Духа исповедала еси, зовуще Ему: Аллилуиа.



Икос 3


Имущи, святая Ирино, свыше данную тебе премудрость и силу, егда многажды понукаема от Ликиния, отца твоего, поклонитися идолом, именуя тя Пенелопиею, но ты рекла ему: «Не извращай моего имене, Ирина аз есмь, нареченная Ангелом в видении, и тако наименовася во святем Крещении. Не поклонюся бесам, имже вы поклоняетесь, аз Единому Богу, Создателю моему, поклоняюся и яко Жениха моего люблю». За такое убо дерзновение приими от нас похвалу сию:

Радуйся, столпе веры, утверждение Христианскаго жития; радуйся, детище, Богом просвещенное во святем Крещении. Радуйся, орлице Царя Небеснаго, Богом дарованная на просвящение языков; радуйся, в стране царствования Отца Твоего идольскаго служения искоренительнице. Радуйся, яко подвиг твой многострадальный предвозвестили голубь, кокош и вран, принесши ти маслину,венец и змия; радуйся, яко предрек тебе Апелиан учитель: маслина – твое добронравие, венец – венец славы, а змии – враг, гласит страдания.

Радуйся, Ирино, невесто Христова, преславная.



Кондак 4


Бури тяжких искушений воздвигл на тя враг души спасения, егда отец казнить приказал тя, поврещи свирепым коням на глумление и удов раздробление. Но егда ты помолишася, свирепейший конь, отрешившись, оторваша Ликинию руку и топташа его. Тебя же человеческим гласом славною мученицею нарекл есть. Ты же была невредима, воскресила отца своего во имя Христа Сына Божия. Он же со множеством народа уверовавше, восхвалил Бога: Аллилуиа.



Икос 4


Слышав от тебе злочестивый царь Седекия словеса разумна о вере Христовой, распылашася на тя злобою; паче же егда рекла ему: «Не сяду с сонмом суетным и с законопреступниками не вниду, готова аз на всякия пытки и не пощажу плоти моея за Христа, Господа моего». И вверже тя в глубину рва, идеже гады ядовиты. И тамо пребыша десять дний невредимо со Ангелом, хранящим тя. Видящи вси сия тобою чудодеемая, взываше:

Радуйся, младая страстотерпице, за мужественное исповедание веры много пострадавшая; радуйся, агнице кроткая, идольския суетныя лести обличительнице. Радуйся, яко тобою посрамися лукавый враг, видя себе побежденным; радуйся, о тебе бо радуется вся небесныя силы, видя побеждающу лютых мучителей. Радуйся, твоими подвигами многи богохульники правители к Богу приведшая; радуйся, многострадальная дщи немилостиваго царя Ликиния.

Радуйся, Ирино, невесто Христова преславная.



Кондак 5


Богосветлой звезде подобна была еси, великомученице Ирино, множество племен и языков ко спасению приведшая. Три идолоязыческия страны со епархами и клевретами просветила еси. Тяжкия страдания от мучителей Седекия и Саваха претерпела еси, трижды железною пилою перепиливаема и на мельничном колесе была раздробляема. О великомученице! Твоих страданий небесная стихия, гром и молния, не стерпеша и нечестивыя поразиша. Люди же увероваше, со трепетом Бога прославляя и поя Ему: Аллилуиа.



Икос 5


Видевше царь Савах, яко сила Божия, в тебе чудодействуемая, поборяет и посрамляет его безумныя веления, ополчив сто тысящь воинов на Магеддон, град, идеже ты молилася Господу о поражении слепотою грядущих и по ослеплении их паки умолила Всевышняго даровати им зрение. Сия радости мы исполнены, глаголем тебе сице:

Радуйся, святая Ирино, тобою бо свет Христов возсия в странах языческих; радуйся, богопротивных царей и воинов дивное вразумление. Радуйся, града Магеддона преславное защищение; радуйся, веры православныя исповедание и света Евангельскаго сияние. Радуйся, закона Божия верная хранительнице; радуйся, многострадальная Богоневесто, от лютаго Седекия многажды палимая.

Радуйся, Ирино, невесто Христова преславная.



Кондак 6


Проповедником Богоносным апостолом поревновала еси, пред мучителеми безбоязненно Христа Бога проповедовала еси, Егоже ради тяжкия раны, узы и темницу претерпелаеси; во огни на костре в медных пещех палима была еси, но сохранил тя Ангел Господень во славу Божию, и мы взываем Богу Всемогущему: Аллилуиа.



Икос 6


Возсиял есть в сердцы твоем свет богоразумия, свет Господа Иисуса Христа. Той, яко Жених твой возлюбленный, укрепляше тя страдающу сопричастницу Его страданий, егда вонзили тебе в пяты острые гвозди и обуздавши яко осля, пять поприщ насильно ведоша тя, ты же в страшнем страдании своем моляся Богу, тысящи народа просветила, беззаконных же мучителей разверзшаяся земля поглотила есть, мы же вопием ти:

Радуйся, Ирино, рабе Господня и молитвеннице наша; радуйся, голубице кроткая, язвы ради Господа носившая. Радуйся, от гвоздичных, кровию истекающих ран, Ангелом исцеленная; радуйся, яко тебе Господь даровал силу и мудрость побеждати противостоящих истине. Радуйся, яко тобою от многих ран и болезней кающийся исцеляются; радуйся, яко твоею молитвою бесы прогоняются и прокаженнии очищаются.

Радуйся, Ирино, невесто Христова преславная.



Кондак 7


Восхотев безумный мучитель тя, святая Ирино, ко идолослужению преклонити, увещевая тя пожрети идолом жертву, ты же, Крестом оградившись, воскликнула: «Аз приношу жертву Богу Всевышнему, Иже обладает жизнию и смертию всех людий. Вразумись же, царю, прельщенный сатаною!» Осверепевший мучитель, скрежеща зубами, приказал вмедных пещех трикраты палити тя, но Ангел Господень, пламень остудив, сохранил тя невредно на славу славящим Бога песнью: Аллилуиа.



Икос 7


Новую показа ярость безчеловечия злобный Вавадон, егда тебя, святая мученице Ирино, повелев, железными цепями привязану к раскаленней решотце, поливать на тя масло и смолу. Ты же, Божия страдалице, бе в пламени горяща, со Ангелом отрешившим от решотцы и охлаждающим тя, Бога славила. Изумившись мучитель таковому чуду, пал к стопам твоим, прося прощения и святых молитв за всю страну, обратившуюся ко Господу. Мы же с любовию взываем к тебе:

Радуйся, многострадальная мученице, за Христову Церковь много претерпевшая; радуйся, святая девице, Христа ради в пещех и на кострех палимая. Радуйся, за спасение людей на раскаленней решотце жегомая; радуйся, великая страстотерпице, Христа ради тяжко мучимая. Радуйся, яко твоими страданиями мног народ к признанию Бога истиннаго привела еси; радуйся, врагов Церкви победительнице и в бедах наших скорая помощнице.

Радуйся, Ирино, невесто Христова преславная.



Кондак 8


Странные и страшные страдания святой мученицы видевше, вернии удивишася, како младая отроковица, суще в юном телеси, мужественно за Христа муки претерпевает, да и мы исполнишеся умиления, благодарно возопиим Богу: Аллилуиа.



Икос 8


Весь сладчайший Иисус сладость тебе бысть, мученице Ирино, ты же горькия муки и тяжкия истязания за Христа и спасение людий от седми мучителий претерпела еси, и яко агница от нечестиваго Савария мечем усечена и погребена была еси, и после же из мертвых возстала с райскою ветвию в руках, и в Месемврии к царю явилася на вразумление и посрамление богохульников. Со страхом к твоим ногам пал царь-убийца, взывая: «Велик Бог Христианский» Просвети и нас, святая Ирино, да зовем ти:

Радуйся, святая равноапостольная Ирино, просветительница стран языческих; радуйся, реко исполненая благодати Божией. Радуйся, боговозлюбленная ластовице, из небожителей возванная на спасение богохульных и отверженных; радуйся, преславная мученице, многая богопротивныя просветившая. Радуйся, яко силою Божиею демонстии коварства упразднила еси; радуйся, блаженная страстотерпице, райскую ветвь от Христа приимшая.

Радуйся, Ирино, невесто Христова преславная.



Кондак 9


Вся небесныя силы возрадовася, восхваляя Бога, даровавшаго тебе таковое мужество и непоколебимую твердость побеждати во брани душепагубных аспидов. Ты бо, укрепляемая силою Божиею, в тысящах языки просвещая, радовалася воспевая Богу: Аллилуиа.



Икос 9


Ветии многовещании риторскими своими языки не возмогут изрещи твоих болезненных страданий и мученических подвигов, яже за Христа претерпела еси. Кто может исчести твоя безчисленная страдания, кия содрагают нас, поющих тебе:

Радуйся, чудодейственное зрелище Ангелом, и человеком; радуйся, яко твоим терпением мучителей удивила еси. Радуйся, кровь свою за Христа Жениха твоего источила еси; радуйся, учеников похвало и верных радование. Радуйся, лозо плодовитая сада Иисусова; радуйся, доброплодная ветвь винограда Христова.

Радуйся, Ирино, невесто Христова преславная.



Кондак 10


Спасти восхотевши души, во тьме идолослужения погибающия, боголюбивая мученице Ирино, ты, ревнуя о Господе, якоже Илиа, силою Божиею идолы сокрушала, бесы прогоняла, мучителей обличала и посрамляла. Богу же победную песнь непрестанно воспевала: Аллилуиа.

 



Икос 10


Стена еси крепка и непоколебима во исповедании православныя веры пребыла еси; не пощадила ты сладкоцветущей юности твоея, презрела еси вся царская достояния отца своего. Возжелала чрез мученическую смерть уневеститися Христу и с Ним быти в Ангельстем ликостоянии. Мы же, поминающе твоя подвиги и страдания, ублажаем тя сице:

Радуйся, течение мученическаго пути добре скончавшая; радуйся, житием твоим равноапостольстим Господу послужившая. Радуйся, силою свыше на брань с сопротивными препоясанная; радуйся, верным христианом крепкое заступление. Радуйся, безпомощным заступнице, сирот покровительнице; радуйся, мучеников радование, девственников славо.

Радуйся, Ирино, невеста Христова преславная.



Кондак 11


Пение наше хвалебное по достоянию воспевати недоумевает ум наш, святая мученице Ирино, ты бо подражала еси распятому Агнцу – Христу. Положила еси душу свою за други своя, ибо больше сия любве никтоже имать. Обаче мы, вси благодарни суще, поем Богу: Аллилуиа.



Икос 11


Светозарный светильник истиннаго света сущим на земли ты являешися, богоизбранная отроковице, просвещаеши сердца верных, исцеляеши недужных и прокаженных, притекающих к тебе с любовию, разслабленным и слепорожденным здравие подаеши, благодарящим тя тако:

Радуйся, о спасении грешных сильная ходатаице; радуйся, обидимых заступнице, злочестивых поборающая. Радуйся, сосуде благ небесных; радуйся, златая кадильнице, фимиам молитвы о нас Богу приносящая. Радуйся, сокровище даров Божиих неиждиваемое; радуйся, яко тебе Господь Царство свое даровал есть.

Радуйся, Ирино, невеста Христова преславная.



Кондак 12


Благодать тебе дана, яко апостолом, слово Божие грешному миру вещати, омраченныя от идолослужения отвращати и всем в подвизех земных помогати. О достославная раба Господня, много потрудившаяся за род христианский, молися за нас ко Всемилостивому Богу, Спасителю нашему, да сподобит и нас в сем и в будущем веце Бога в Троице прославляти: Аллилуиа.



Икос 12


Воспеваем твоя славная подвиги, почитаем страдания твоя, хвалим долготерпение, ублажаем святую твою кончину, славим твое в немощнем теле непобедимое мужество, имже попрала еси вся мудрования мира сего. В память твоих подвигов и страданий приими от нас хвалебное пение:

Радуйся, от девственных ликов в чертог небесный введенная; радуйся, от мученических полков под венец славы во гласе радования провождаемая. Радуйся, от небожителей досточудное о Господе приемшая целование; радуйся, яко награда твоя радость вечная во светлости святых. Радуйся, яко тобою от нечаянныя смерти уповаем сохранитися; радуйся, твоим заступлением Царствия Божия чаем сподобитися.

Радуйся, Ирино, невесто Христова преславная.



Кондак 13


О преславная и всехвальная святая великомученице Ирино! Приими от нас сие малое хвалебное пение и не престани молитися о нас ко Господу Богу, да избавит нас от враг видимых и невидимых и твоим заступлением сподобит нас вечнаго Царствия, идеже вкупе с тобою и всеми святыми чаем воспевати Богу: Аллилуиа.

(Этот кондак читается трижды, затем икос 1-й и кондак 1-й)



Канон святой мученице Ирине

Память празднуем 5(18) мая



Канон, глас 4-й

Песнь 1


Ирмос: Воспою Тебе, Господи Боже мой, яко извел еси люди из работы египетския, покрыл же еси колесницы фараоновы и силу.

Припев: Святая мученице Ирино, моли Бога о нас.

Венец сый страстоносицы, сея, Христе, молитвами мир миру и славу неувядаему поющим Тя даруй.

Святая мученице Ирино, моли Бога о нас.

Зарею сияющи девства, украшена добротою твоего мучения, Ирино великоименитая, твоему Жениху предстоиши.

Слава: Милостиву быти Церквам твоего моли Жениха, Ирино богомудрая, согрешений же оставление подати чтущим тя.

И ныне: Плоть бывша Бога Слова и сущаго, яко мы, Святая Дево, неизреченно родила еси, паче слова и разума.

Моли Бога о нас, святая мученице Ирино, яко мы усердно к тебе прибегаем, скорой помощнице и молитвеннице о душах наших. (Поклон.)



Песнь 3


Ирмос: Лук сильных изнеможе, и немотствующии препоясашася силою, сего ради утвердися в Господе сердце мое.

Святая мученице Ирино, моли Бога о нас.

Мира излиявшагося чувствующи и вселенную облагоухавшаго благодатию приимши, восперися к желанию сего, славная.

Святая мученице Ирино, моли Бога о нас.

Имела еси Бога помощника во твоих подвизех и защищающа, всемудрая, сего ради венчавшися, мучителя победила еси.

Слава: Столп добродетелей непреклонен, и благочестия жилище бысть, и мужества, и целомудрия приятелище, всехвальная.

И ныне: Текши до Тебе, смерть ста, приразившися из Тебе рожденному, Всенепорочная, сего ради безсмертия начаток Тя именуем.

Моли Бога о нас, святая мученице Ирино, яко мы усердно к тебе прибегаем, скорой помощнице и молитвеннице о душах наших. (Поклон.)

Господи помилуй. (Трижды.)



Седален, глас 8-й


Мир тебе мног прибысть, мученице, разрешшися плоти по болезнех многих: радуяся бо, Жених на небесех тя горе прият, всепросвещену, и страданием облистающу, и в чертог божественный введе радующуся.

Слава, и ныне, Богородичен: Яко Деву и едину в женах, Тя безсеменно рождшую Бога плотию, вси ублажаем роди человечестии, огнь бо вселися в Тебе Божества, и яко младенца доиши Зиждителя и Господа. Темже ангельский собор и человеческий род достойно славим всесвятое рождество Твое, и согласно вопием Ти: моли Христа Бога, прегрешений оставление даровати, достойно поющим славу Твою.



Песнь 4


Ирмос: Твоего на земли явления, Христе Боже, проповедуя пророк пришествие, с веселием вопияше: слава силе Твоей, Господи.

Святая мученице Ирино, моли Бога о нас.

Иже мир тебе подаваяй, мироименитая, мира ради пособствующу тя видя, мужеподобным разумом, мученице, и крепостию исполни.

Святая мученице Ирино, моли Бога о нас.

Крепким усердием превозшедши женскую немощь, преблаженная, твердо изобличила еси, мученице, лести служащия.

Святая мученице Ирино, моли Бога о нас.

Божественное терпение показавши, мучителей дерзости низложила еси, твоему Жениху зовущи: слава силе Твоей, Господи.

Слава: Песнословием немолчным и мольбами Владыку, богомудрая, песнословила еси, и, к Нему востекши, славу зриши неизреченную.

И ныне: Радостно Тебе, веселящеся, гласы, Пречистая, Тебе ради спасшиися, взываем: радуйся, Дево всечестная, радуйся, Богородице всепетая.

Моли Бога о нас, святая мученице Ирино, яко мы усердно к тебе прибегаем, скорой помощнице и молитвеннице о душах наших. (Поклон.)



Песнь 5


Ирмос: Просвещение Твое, Господи, низпосли нам, и от мглы прегрешений разреши ны, Блаже, Твой мир даруяй.

Святая мученице Ирино, моли Бога о нас.

Мужеским, славная, разумом Христа, Бога всех ясно исповедала еси, словом же твердым сопротивоборца, страстотерпице, посрамила еси.

Святая мученице Ирино, моли Бога о нас.

Последовати возжелела еси страсти Христове и подобием тепле последовала еси, подвижно страждущи по Владыце, пребогатая.

Слава: Полки мученик, славная, привела еси Христу твоею мудростию и богословием, сия истинно тайноучащи словом веры.

И ныне: Научившеся тайны зачатия Твоего и неизреченнаго и Божественнаго Твоего рождества, Дево, ныне всеблагочестно песнословим Тя, Богородице всепетая.

Моли Бога о нас, святая мученице Ирино, яко мы усердно к тебе прибегаем, скорой помощнице и молитвеннице о душах наших. (Поклон.)



Песнь 6


Ирмос: Возопи, прообразуя погребение тридневное, пророк Иона, в ките моляся: от тли избави мя, Иисусе, Царю сил.

Святая мученице Ирино, моли Бога о нас.

Исправила еси праматере Евы падение, страстотерпице, врага низложивши силу и победивши онаго шатание божественною благодатию.

Святая мученице Ирино, моли Бога о нас.

Крепость стяжавши, Ирино, разума, мучителем супротивилася еси души доблестию, и венцем noбедным от Христа Бога венчалася еси.

Слава: Кровию страдания, мученице, светлейшу соделала еси естественную доброту, чистая, доблественныя подвиги подъемши твердо, добрая дево.

И ныне: Прояви тайну Твоего рождества боговидец, горящу купину видев, и неопаляему, Богородице чистая Приснодево.

Моли Бога о нас, святая мученице Ирино, яко мы усердно к тебе прибегаем, скорой помощнице и молитвеннице о душах наших. (Поклон.)

Господи помилуй. (Трижды.) Слава, и ныне.



Кондак, глас 4-й


Девства добротами преиспещренна, дево, страдальчеством была еси краснейшая, Ирино, кровьми твоими истекшими обагрена, прелесть же низложившая безбожия. Сего ради и прияла еси почести победы рукою Создателя твоего.



Песнь 7


Ирмос: Авраамстии иногда в Вавилоне отроцы пещный пламень попраша, песньми взывающе: отец наших Боже, благословен еси.

Святая мученице Ирино, моли Бога о нас.

Венценосно, мученице, предстоящи престолу твоего Владыки, соблюди верою зовущия: отец наших Боже, благословен еси.

Святая мученице Ирино, моли Бога о нас.

В небесных селениих ликовати, мученице, сподобилася еси, досточудная Ирино, зовущи: отец наших Боже, благословен еси.

Слава: Желающи улучити Рачителя твоего доброты, мучения болезни претерпела еси, Ирино, зовущи: отец наших Боже, благословен еси.

И ныне: Глаголом устен Твоих последующе, верою Тя, Богомати, ублажаем, вопиюще Рождеству Твоему: отец наших Боже, благословен еси.

Моли Бога о нас, святая мученице Ирино, яко мы усердно к тебе прибегаем, скорой помощнице и молитвеннице о душах наших. (Поклон.)



Песнь 8


Ирмос: Отроки благочестивыя в пещи рождество Богородичо спасло есть, тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

Святая мученице Ирино, моли Бога о нас.

Пострадала еси, Ирино блаженная, добле, и мучителя низложила еси, имущи пособие непобедимое, Владыки твоего силу, содействующую тебе, и Господа пойте, вопияла еси, и превозносите Его во веки.

Святая мученице Ирино, моли Бога о нас.

Юношескою любовию уязвена, во след твоего Жениха последовала еси, Сего страдания, мученице, и раны на теле твоем носящи и вопиющи: Господа пойте, дела, и превозносите Его во веки.

Слава: Твое, еже в муках, терпение, Ирино венценосице, посмеяся суетию и безбожию надеющимся, славная, верою же пояше: Господа воспевайте, дела, и превозносите Его во веки.

И ныне: Мудрость Божия всех хитрец, во Твое чрево, Богомати, всельшися, храм созда, разумен же и одушевлен Себе, и спасе мир, зовущий: Господа воспевайте, дела, и превозносите Его во веки.

Моли Бога о нас, святая мученице Ирино, яко мы усердно к тебе прибегаем, скорой помощнице и молитвеннице о душах наших. (Поклон.)



Песнь 9


Ирмос: Ева убо недугом преслушания клятву вселила есть; Ты же, Дево Богородице, прозябением чревоношения мирови благословение процвела еси. Тем Тя вси величаем.

Святая мученице Ирино, моли Бога о нас.

Окрест твоего Рачителя ликующи в вышних, добрая дево, испроси миру мир, Ирино, и согрешений оставление верою творящим память твою светоносную и священную.

Святая мученице Ирино, моли Бога о нас.

Внутрь тя чертога Христос яко мученицу и деву всели, идеже с девами радуешися и с мученическими воинствы, Ирино венценосице всехвальная, темже тя вси ублажаем.

Слава: Двери отверз небесныя, прият душу твою всенепорочную един всеми Царствуяй, и правды Строитель, Ирино, божественнаго мира тезоименитая. Темже тя вси ублажаем.

И ныне: Имущи к Твоему Сыну, Пренепорочная, дерзновение непостыдно, Сего умоли низпослати миру мирно устроение и всем Церквам единомышление, да Тя вси величаем.

Моли Бога о нас, святая мученице Ирино, яко мы усердно к тебе прибегаем, скорой помощнице и молитвеннице о душах наших. (Поклон.)



Тропарь, глас 4-й


Агница Твоя, Иисусе, Ирина зовет велиим гласом: Тебе, Женише мой, люблю, и Тебе ищущи страдальчествую, и сраспинаюся, и спогребаюся крещению Твоему, и стражду Тебе ради, яко да царствую в Тебе, и умираю за Тя, да и живу с Тобою. Но яко жертву непорочну приими мя с любовию пожершуюся Тебе. Тоя молитвами, яко милостив, спаси души наша.



Кондак, глас той же


Слава: Девства добротами преиспещренна, дево, страдальчеством была еси краснейшая, Ирино, кровьми твоими истекшими обагрена, прелесть же низложившая безбожия. Сего ради и прияла еси почести победы рукою Создателя твоего.

И ныне, Богородичен: Еже от века утаенное и Ангелом несведомое таинство, Тобою, Богородице, сущим на земли явися Бог, в неслитном соединении воплощаемь, и Крест волею нас ради восприим, имже воскресив первозданнаго, спасе от смерти души наша.



Житие святой мученицы Ирины



Святая великомученица Ирина пострадала за Христа в конце I или в начале II века. Она была дочерью правителя фракийского города Мигдонии язычника Ликиния и его супруги, также носившей имя Ликиния. До святого Крещения она носила имя Пенелопа. С раннего детства Пенелопа отличалась исключительной красотой. Когда ей исполнилось шесть лет, отец построил для нее за городом роскошный дворец, в котором Пенелопа жила вместе с тринадцатью отроковицами и воспитательницей Карией. По распоряжению Ликиния к Пенелопе приходил старец Апелиан, который обучал ее различным наукам. Апелиан был тайным христианином и, кроме наук, научил Пенелопу христианским добродетелям. Когда Пенелопе исполнилось 12 лет, родители решили выдать ее замуж.
Тогда ж Пенелопе было знамение: три птицы одна за одной прилетели, орел — венок из разных цветов, ворон — небольшую змею. Недоумение Пенелопы разрешил ее прозорливый учитель Апелиан, который разъяснил значение этого знамения: голубь означал ее добродетели, ради которых она получила благодать Божию в святом Крещении, — масличную ветвь; орел знаменует высоту духа и победы над невидимыми врагами, за что Господь увенчает ее венком славы в Своем Царстве; ворон же со змеей предвещал ей скорби и гонения за Христа, Который хочет обручить ее Себе.
«Однажды, когда девица сидела в своей комнате, к ней в открытое окно, обращенное на восток, влетел голубь, державший в своем клюве маленькую ветвь; положив ее на стол, он тотчас вылетел чрез окно из комнаты. Затем через час влетел в комнату орел с венком из разных цветов, и он также, положив венок на стол, тотчас улетел. Потом еще другим окном влетел ворон, несший в клюве малую змею, которую он положил на стол, а сам также улетел. Видя все это, отроковица, вместе со своею воспитательницею, весьма удивлялись, недоумевая, что предвещал этот прилет птиц? Когда учитель Апелиан пришел к ним, они рассказали ему о происшедшем. Апелиан был тайный христианин и обладал даром прозорливости. Обсудив в себе все, переданное ими, он сказал, обратившись к Пенелопе:
- Знай, дочь моя, что голубь означает твой добрый нрав, твою кротость, смирение и девическое целомудрие. Ветвь маслины знаменует Божию благодать, которая будет подана тебе чрез крещение. Орел, высоко парящий, изображает собою царя и победителя, знаменует, что ты будешь царствовать над своими страстями и, возвысившись богомыслием, победишь невидимых врагов, как орел побеждает птиц. Венок же из цветов есть знамение воздаяния, которое примешь ты за твои подвиги от Царя Христа в небесном Его царстве, где готовится тебе нетленный венец вечной славы. Ворон со змеею знаменует врага-диавола, силящегося нанести тебе скорбь, печаль и гонение. Знай же, девица, что великий Царь, содержащий в Своей власти небо и землю, хочет обручить тебя в невесту Себе и ты претерпишь за имя Его многие страдания.
Пенелопа обратилась на восток и, смотря на высоту небесную, сказала:
- Если Ты Бог истинный — Тот, Которого проповедуют христиане, молю Тебя: скажи мне: следует ли мне взять мужа, или всегда оставаться девой?
Так как был уже вечер, то Пенелопа задремала. Во сне увидела она ангела Божия, который ей сказал следующее: «Пенелопа! С этих пор ты будешь называться не Пенелопою, но Ириною, ибо ты будешь многим прибежищем и мирным пристанищем, и чрез тебя обратятся к Богу и спасутся многие тысячи душ человеческих. Твое имя будет велико и дивно по вселенной. То, что сказал тебе старец Апелиан о виденных тобою птицах, истинно, так как это Дух Божий говорил его устами. В эту ночь придет к тебе человек Божий по имени Тимофей, наставленный в учении христианском и принявший священство от святого Павла. Этот человек разносит по церквам и послания Павла. Он сподобит тебя святого крещения и скажет тебе, что ты должна делать» (ЖИТИЯ СВЯТЫХ в изложении святителя Димитрия, митрополита Ростовского).
Когда отец предложил Пенелопе выбрать себе жениха, она просила семь дней на размышление. За это время она приняла святое Крещение с именем Ирина от апостола Тимофеем, ученика святого апостола Павла. Затем святая Ирина открыто исповедала себя христианкой. Разгневанный Ликиний приказал бросить ее под копыта диких лошадей, обнако они не причинили ей вреда. Напротив, один конь затоптал Ликиния, но по молитве святой Ирины он был воскрешен. Благодаря столь явному чуду Ликиний и все его вельможи уверовали во Христа и приняли святое Крещение. Ликиний оставил управление городом и вместе с супругой удалился во дворец своей дочери, чтобы в уединении служить истинному Богу.
Святая Ирина осталась в Мигдонии и поселилась в доме Апелиана, где проводила дни в молитве, чтении Священного Писания и строгом посте. Только вечером святая Ирина вкушала немного хлеба и выпивала чашку воды. Спала подвижница очень мало, причем не на ложе, а на сырой земле. За три года пребывания в Мигдонии святая Ирина претерпела немало мучений от сменявших друг друга правителей, каждый из которых стремился изощренными пытками заставить ее поклонится языческим идолам. Седекия бросал ее на 10 дней в ров с ядовитыми змеями, приказал перепилить ее тело железной пилой, привязывал к мельничному колесу. Но Господь сохранил свою избранницу: Ангел Божий питал ее во рву, а змеи не кусали; железные пилы притуплялись, вода не текла под мельничное колесо. Видя такие чудеса, тысячи людей отрекались от языческих кумиров и принимали святое Крещение. Возмущенные жестокостью Седекии жители города побили его камнями. Сын его — Саввах собрал огромное войско и осадил Мигдонию, желая отомстить горожанам за смерть отца. Но по молитве святой Ирины Саввах и все его воины ослепли. Раскаявшись, Саввах обещал простить горожан и просил святую Ирину исцелить его. Однако, исцелившись, Саввах нарушил свое слово и подверг святую Ирину мучениям: мученице вбили в ноги гвозди и с тяжелым мешком песка на плечах повели за город. Ангелы сопровождали святую и укрепляли ее, мучитель был поражен внезапной смертью.
Во время пребывания в Мигдонии святая Ирина неустанно проповедовала Имя Христово и творила многие чудеса. Она исцеляла больных, очищала прокаженных и прогоняла бесов. Однажды святая мученица воскресила умершего юношу, горько оплакиваемого родителями.
После Мигдонии святая Ирина проповедовала христианскую веру в других городах Фракии — Каллиполе, Константине, Месемвреи. И в этих городах правители жестоко мучили святую: жгли ее на раскаленной решетке. Бросали в чрево раскаленных медных волов. В городе Месемврии князь Саворий отрубил святой мученице голову и придал погребению вне города. Но Господь воскресил святую мученицу. Ей явился Ангел и повелел вновь идти в Месемврию. Увидев ее живой, Саворий и все жители города уверовали во Христа.
Скончалась святая мученица Ирина мирно в городе Мигдонии. В Ефесе святая Ирина также творила многие чудеса и этим обращала язычников в христианство. Провидев свою кончину, она вместе со старцем Апелианом, бывшим в то время в Ефесе, и шестью благочестивыми мужами пошла за город, нашла на горе пещеру и, войдя в нее, велела спутникам закрыть ход в пещеру тяжелым камнем. Здесь 5 мая святая мученица преставилась ко Господу. На четвертый день христиане пришли к пещере и отвалили камень, но тела святой Ирины там не было. (По другим источникам великомученица Ирина проповедовала Евангелие Христово в славянских землях и была сожжена в Солуни).
Святая Ирина - заступница и покровительница всех девочек, девушек и женщин с именем Ирина.
У всех Ирин день Ангела - 29 апреля. Именная икона ручной работы, выполненная из янтаря, станет прекрасным подарком, молитвенным путеводителем на долгие годы!



Нашли ошибку? Выделите её и нажмите Ctrl+Enter           


Может быть интересным



Реклама


Реклама


Информация
Посетители, находящиеся в группе Гости, не могут оставлять комментарии к данной публикации.

управление размером текста

Α + Увеличить | α - Уменьшить

разделы сайта

обратите внимание

ThePrayerBook.info - Молитвенник также (паралельно) доступен и по короткому адресу pb.pe

Админситарция сайта ищет соавторов для дальнейшего ведения сайта. Желающим обращаться через форму обратной связи

опрос

Какой дизайн сайта лучше?

Все опросы

Реклама