молитвенник, сборник молитв, молитвы на каждый день, молитвы против недугов, это должен знать каждый, православная литература, архив mp3, редкие молитвы, православные посты, просьбы о помощи, vjkbndtyybr, ghfdjckfdbt, православие

» » Акафист святому праведному Иоанну Русскому исповеднику

Акафист святому праведному Иоанну Русскому исповеднику



Акафист святому праведному Иоанну Русскому исповеднику



День памяти:

9 июня (н. ст.).


Тропарь, глас 4

 

От земли пленения твоего воззвавый тя к Небесным селением, Господь соблюдает невредимо и цельбоносно тело твое, праведне Иоанне, ты бо, в Руси ятый и во Асию проданный, посреде агарянскаго злочестия благочестно пожил еси во мнозе терпении и, сеяв зде слезами, жнеши тамо неизглаголанною радостию. Темже моли Христа Бога спастися душам нашим.


Кондак, глас 8

 

В честней памяти твоей, святе, веселится о тебе Русь, во благочестии тя воспитавшая, и целебным мощем твоим радуется Асия, идеже, узкий путь прошед страдальческаго плена и постнических подвигов, сосуд честен явился еси Божия благодати, еяже проси и нам, чтителем твоим, да зовем ти: радуйся, Иоанне, благодати тезоимените.


Кондак 1

 

Избраннаго исповедника Христова и чудотворца предивнаго, поборника святыя веры Православныя, Русскою землею рожденнаго и в земли Эллады возсиявшаго, святаго праведнаго Иоанна похвальными песньми почтим; ты же, угодниче Божий, яко предстояй пред Престолом Царя Славы, от всяких нас бед свободи, с любовию и благодарением зовущих ти: Радуйся, святый праведный Иоанне, скорый помощниче и преславный чудотворче.


Икос 1

 

Ангелов Творец и всея твари Создатель избра тя, праведне Иоанне, во еже народы Руси и Эллады духовно соединити, и яви тя Церкви Своей Святей великаго чудотворца, имущаго к Нему дерзновение молитися о исцелении недугов душевных и телесных, о избавлении от всяких бед и скорбей. Темже мы благоговейне преклоняем пред тобою колена телесная и сердца наша и умиленно глаголем:

Радуйся, земный Ангеле и человече небесный.

Радуйся, благодати тезоименитый.

Радуйся, кротости и послушания образе.

Радуйся, молитвы благоуханное кадило.

Радуйся, терпением злобу мира сего победивый.

Радуйся, венцем исповедническим от Господа украшенный.

Радуйся, земли Асии подвиги своими озаривый.

Радуйся, чудесы твоими землю Эллады наполнивый.

Радуйся, светлая звездо Русския земли.

Радуйся, Отечество земное молитвами твоими не оставляяй.

Радуйся, Христа ради на земли пострадавый.

Радуйся, с Ним на Небесех воцаривыйся.

Радуйся, святый праведный Иоанне, скорый помощниче и преславный чудотворче.


Кондак 2

 

Видя Христос Господь сердца твоего благое намерение, Иоанне блаженне, предначерта ти тернистый и многотрудный путь спасения: егда был еси с воинством царя Петра, плениша тя агаряне и в раба продаша в землю Асии, во град Прокопион, идеже ты пребыл еси непоколебим в вере Православней и жизнь твою посвятил еси Богу, непрестанно усты и сердцем воспевая Ему: Аллилуиа.


Икос 2

 

Разум богопросвещенный и веру несумненную имел еси, святче Божий, егда гнева агарян не устрашився, исповеда себе христианина быти и радостно восприял еси биения, узы железныя, огнем жжение и многи муки нестерпимыя. Темже вси, таковому твоему дерзновению и мужеству дивящеся, глаголем:

Радуйся, во страсе Божии добре воспитанный.

Радуйся, закону Господню верно наученный.

Радуйся, от юности твоея всего себе Богу предавый.

Радуйся, всегда в молитве утешение духовное обретавый.

Радуйся, злобы агарян не устрашивыйся.

Радуйся, муки нестерпимыя победно претерпевый.

Радуйся, за Господа распятаго огнем от мучителей опаленный.

Радуйся, Христовым страстем в телеси твоем приобщивыйся.

Радуйся, терпение крепкое во страданиих явивый.

Радуйся, от веры Православныя не отступивый.

Радуйся, Христа единаго всем сердцем возлюбивый.

Радуйся, воине Христов непобедимый.

Радуйся, святый праведный Иоанне, скорый помощниче и преславный чудотворче.


Кондак 3

 

Силою Вышняго укрепляемь, со дерзновением проповедал еси Единаго Истиннаго Бога пред мучители твоими. Злочестивый господин твой, надеяся уловити тя и к вере своей привлещи, тело твое нача истязати. Ты же, страстотерпче Христов, жестокая биения от него претерпевая, укрепляющему тя Богу из глубины сердца воспевал еси: Аллилуиа.


Икос 3

 

Имея в души своей пламенное желание последовати Агнцу Божию, пострадавшему спасения нашего ради, праведне Иоанне, не убоялся еси мучений и молился еси за враги твоя и мучители, вопия: «Ничтоже мя разлучит от любве Твоея, Христе Боже», и от веры во Христа никакоже отступил еси. Сего ради величаем тя сице:

Радуйся, адаманте веры Христовы.

Радуйся, о всех христианах усердный молитвенниче.

Радуйся, даже до крове во исповедании Христа пострадавый.

Радуйся, в мужестве непоколебимом пребывый.

Радуйся, яко вся мучения претерпел еси, благодатию свыше укрепленный.

Радуйся, свирепство мучителей победивый.

Радуйся, страстем Христовым мужественный подражателю.

Радуйся, врагов Церкве Христовы посрамителю.

Радуйся, веру, надежду и любовь к Богу до конца сохранивый.

Радуйся, подвигом твоим христиан Прокопиона возвеселивый.

Радуйся, в сердце твоем образ Христа носивый.

Радуйся, страданьми за Него мзду многу на Небесех получивый.

Радуйся, святый праведный Иоанне, скорый помощниче и преславный чудотворче.


Кондак 4

 

Буря лютых мук и страстей мира сего не потопи корабля души твоея, праведне Иоанне, ты бо благодушие в телеснем пленении явил еси, кротость же, незлобие и смирение, и якоже Ангел на земли пожил еси, в трудех, посте и молитве подвизаяся, кесарю - кесарево, а Божие - Богу отдавая, по слову Господа, нощию же без сна пребывая, о прощении своих согрешений, наипаче же о творящих ти обиды и озлобления молился еси, в сокрушении сердечнем поя Богу: Аллилуиа.


Икос 4

 

Слышавше и видевше дивное твое житие, кротость же, смирение и премногую добродетель, гонители твои удивишася и прославляху тебе, яко человека праведна. Егда же лютый господин твой узре в дому своем, молитв твоих ради, изобилие во всем и даде тебе ослабу, ты, огнем любве ко Господу окриляемь, умножил еси труды подвижническия, на всяку нощь течением слез помост притвора церковнаго в молитве орошая. Помози убо и нам подражати тебе, укрепи нас, от мглы страстей избави и даруй мужество духовное всем прибегающим ко предстательсту твоему и вопиющим тебе таковая:

Радуйся, унижением твоим евангельскому Лазарю уподобивыйся.

Радуйся, терпением твоим с многострадальным Иовом сравнивыйся.

Радуйся, смирившемуся нас ради Христу усердно подражавый.

Радуйся, подвигом твоим Ангелов удививый.

Радуйся, трудниче прилежный, земному господину верно послуживый.

Радуйся, кротостию и благостию своею сердце его победивый.

Радуйся, за творивших ти обиды и озлобления Богу молитвы возносивый.

Радуйся, злобу их на милость преложивый.

Радуйся, на паперти церковней нощи в молитвах проводивый.

Радуйся, подвижниче благочестия и исповедниче, во граде Прокопионе возсиявый.

Радуйся, любве и милосердия ко всем людем исполненный.

Радуйся, яко за ненавидящих и обидящих нас молитися подвизаеши.

Радуйся, святый праведный Иоанне, скорый помощниче и преславный чудотворче.


Кондак 5

 

Боготечная звезда, от Руси возсиявшая, явился еси, блаженне Иоанне, блистая чистотою ангельскою и лучами добродетелей твоих земли Асии и Эллады озарив. Егда же ты болен бе, и день своея кончины от Бога ведая, восхотел еси причаститися Святых Христовых Таин, иерей, Богом вразумленный, принесе тебе Святыя Дары во яблоце, ихже прияв, праведную душу твою в руце Божии предал еси, и светильник нося полн елея добрых дел, вшел еси в Царствие Небесное, во еже непрестанно со всеми святыми воспевати всех святых Святейшему Слову: Аллилуиа.


Икос 5

 

Видевше людие града Прокопиона богоугодное житие твое и блаженную кончину, со слезами и благоговением погребоша тело твое во храме святаго великомученика Георгия. По кончине же твоей мнози недужнии - не токмо православнии, но инославнии и агаряне получиша исцеления у гроба твоего, благодарение Богу приносяще, и тебе, яко теплому молитвеннику о всех страждущих, взываша тако:

Радуйся, яко сердце твое покаянными слезами омыл еси.

Радуйся, слезами и молитвами к смерти себе приуготовавый.

Радуйся, яко всех обидящих тя простил еси.

Радуйся, незлобием Христовым духа злобы победивый.

Радуйся, в чистоте душу и тело твое сохранивый.

Радуйся, кончину свою предуведевый.

Радуйся, праведно жизнь земную скончавый.

Радуйся, возлюбившему тя Господу душу твою предавый.

Радуйся, венцем безсмертия от Господа увенчанный.

Радуйся, вечней радости с Ним по смерти приобщивыйся.

Радуйся, яко церковь великомученика Георгия прият честное тело твое.

Радуйся, яко во обителех Небесных водворися святая душа твоя.

Радуйся, святый праведный Иоанне, скорый помощниче и преславный чудотворче.


Кондак 6

 

Проповедником чудес и славы Божия явися клирик некий града Прокопиона, егда узре в соннем видении блаженнаго Иоанна, повелевающаго открыти гроб, в немже обретаются нетленныя мощи его. Темже вернии молитвенно возопиша ко Господу, да явит Он людем мощи Своего избранника, зовуще со благодарением Ему: Аллилуиа.


Икос 6

 

Возсиял еси, яко новое светило всему христианскому роду, праведне Иоанне, егда Божиим изволением обретено бысть нетленное и благоуханное тело твое, источающее обилие чудес всем с верою к твоему заступлению прибегающим. Темже уврачуй и облагоухай нас, верою и любовию тебе взывающих:

Радуйся, на земли яко беплотен поживый.

Радуйся, сосуде Божественныя благодати.

Радуйся, по смерти священнику церкви великомученика Георгия явивыйся.

Радуйся, праведниче Божий, в чудесех просиявый.

Радуйся, яко Христос с небесе призре на святыя мощи твоя.

Радуйся, яко столп огненный над ними показася.

Радуйся, святыя мощи твоя, якоже сокровище велие явити изволивый.

Радуйся, благоуханием от них верных возвеселивый.

Радуйся, яко нетлением тело твое прослави Господь.

Радуйся, яко мощей твоих демони трепещут.

Радуйся, яко во Царствии Небеснем со святыми пребываеши.

Радуйся, яко и нас, грешных, на земли не оставляеши.

Радуйся, святый праведный Иоанне, скорый помощниче и преславный чудотворче.


Кондак 7

 

Хотящим врагом град твой разорити и мощи твоя огню предати, явися страшное и преславное чудо: воини увидеша тя, Иоанне, стояща посреде огня и оставити град грозно им повелевающа. Тии же ужасошася видению, вон бежаша и никоегоже зла сотвориша. Вернии же людие паки обретоша мощи твоя, к нимже и мы припадающе, вопием Богу победную песнь: Аллилуиа.


Икос 7

 

Новаго тя чудотворца и молитвенника во времена последняя дарова нам Человеколюбец Господь, егда оскуде вера, любы охладе, стихии земныя поколебашася. Темже молим тя, праведне Иоанне: не остави нас, грешных и слабых, в годину испытаний, укрепи молитвами твоими всех любящих тя и вопиющих ти таковая:

Радуйся, верных надеждо и заступление.

Радуйся, неверных страх и посрамление.

Радуйся, яко подвиги твоими град Прокопион освятил еси.

Радуйся, яко молитвами твоими землю Эллады облагоухал еси.

Радуйся, свет Христов в сердце твоем носивый.

Радуйся, тьму жизни нашея светом Христовых заповедей озаряяй.

Радуйся, о людех страны Греческия молитвенниче неусыпный.

Радуйся, помощниче людем русским богодарованный.

Радуйся, от разорения град твой и храм оградивый.

Радуйся, православных христиан прибежище.

Радуйся, яко ныне со всеми святыми Престолу Божию предстоиши.

Радуйся, яко неизреченную славу Господню созерцаеши.

Радуйся, святый праведный Иоанне, скорый помощниче и преславный чудотворче.


Кондак 8

 

Странником и пришельцем был еси в стране пленения твоего, угодниче Божий, взыскующим Горняго Иерусалима Небеснаго, и тако странное для сущих от мира житие пожив, добродетельми многими к Богу приблизился еси, научая всех верных искати едино на потребу, еже есть богоугождение. Сего ради Сам Господь, видя смирение твое, возвеличи тя благодатию Своею, Егоже восхваляюще, поем ангельскую песнь: Аллилуиа.


Икос 8

 

Весь был еси любве Божественныя исполнен, блаженне, светом благодати Божия сияя пред человеки, и святыя мощи твоя - врачебница есть духовная, сокровище чудес, небесных аромат вместилище. Сего ради, дерзновение велие ко Господу имея, молишися за христианы, во всем мире живущия, и верою тя на помощь призыващим пособствуеши. Не остави убо и нас благодатною твоею помощию и заступлением, да благодарно тебе зовем:

Радуйся, даром любве к Богу и ближним исполненный.

Радуйся, всех приходящих к тебе скорый утешителю.

Радуйся, верою чудодейственною озаренный.

Радуйся, в молитвах и бдениих учителю наш предивный.

Радуйся, благодатную росу исцелений верным источаяй.

Радуйся, в милости неистощимый.

Радуйся, недугов лютых прогонителю.

Радуйся, православных людей тихое пристанище.

Радуйся, в сониих и видениих страждущих посещаяй.

Радуйся, в бедах и напастех помощь им подаваяй.

Радуйся, странниче земный, во Отечество Небесное вшедый.

Радуйся, во всем мире христианстем прославленный.

Радуйся, святый праведный Иоанне, скорый помощниче и преславный чудотворче.


Кондак 9

 

Всякое естество человеческое удивися, видевше чудеса преславная, от мощей праведнаго Иоанна истекающия, мнози убо восхотеша части их во инии места и грады отделити, обаче всем хотящим взяти их ты, угодниче Божий, возбранял еси. Егда же святогорцы русскаго монастыря моляхуся, да часть мощей твоих даруется им, благоволил еси принести на Афон, в Сад Богоматере, десную руку твою в благословение им и утешение. И бысть велие торжество: вси иноцы обители Пантелеимоновой, колена преклоняюще, сретоша десную руку твою от града Прокопиона принесенную, воспевающе Богу благодарственную песнь: Аллилуиа.


Икос 9

 

Ветии многовещаннии не возмогут изрещи силу любве православных эллинов, иже изгнанни бывше от Прокопиона неверными, изнесоша мощи твоя, праведне Иоанне, на остров Эвбею, идеже воздвигоша велий благолепный храм во имя твое, в немже и положени быша многоцелебныя мощи твоя. Темже и мы (молящеся в храме сем и предстояще пред ракою твоею, чудесы благоухающей,) прилежно молим тя: услыши нас, твоего предстательства просящих и благоговейне вопиющих:

Радуйся, верных и неверных в бедах утешителю.

Радуйся, яко тобою прославляется вера христианская.

Радуйся, страну Греческую и людей ея возлюбивый.

Радуйся, яко смотрением Божиим мощи твоя на землю Эллады принесени быша.

Радуйся, храму, имени твоему посвященному, покрове Богом данный.

Радуйся, града Неопрокопиона и всея земли Эллады святый покровителю.

Радуйся, мощами твоими Гору Афонскую освятивый.

Радуйся, нетленною десницею во обители Пантелеимоновой пребываяй.

Радуйся, братии Афонскаго вертограда в подвизех скорый помощниче.

Радуйся, яко во всей Церкви Христовой имя твое прославляется.

Радуйся, яко всей стране Гречестей, яко солнце незаходимое, сияеши.

Радуйся, яко и Отчизну твою, страну Русскую, не оставляеши.

Радуйся, святый праведный Иоанне, скорый помощниче и преславный чудотворче.


Кондак 10

 

Спасение в бедах и напастех восхотев дати Господь верным чадом Своим, дарова нам тя, угодниче Божий, приял бо еси благодать целити недуги всем притекающим к тебе с молитвою: кровоточивии бо и прокаженнии прикосновением к раце мощей твоих очищаются, глусии слышат, разслабленнии здрави бывают, слепии прозревают. Мы же, поминающе скорое заступление твое, благодарным гласом восхваляем Бога, поюще Ему песнь: Аллилуиа.


Икос 10

 

Стена еси стране Гречестей и народу ея благочестивому, праведне Иоанне, и необоримый заступник всем призывающим имя твое, зане тако благоволи Сам Господь - быти тебе защитником христиан не токмо земли Эллады, но всех любящих и чтущих тя людей православных. Темже Элладския Церкви людие, Афонских отец собори, Русския страны вернии и во всякой стране чтущии Бога восхваляют тя сице:

Радуйся, страже земли Эллады, нечестивыя отгоняяй.

Радуйся, всех благочестивых людей ея от бед избавляяй.

Радуйся, яко во всех странах живущим христианом благодатную помощь подаеши.

Радуйся, яко целебныя дары повсюду точиши.

Радуйся, от Господа власть на духи нечистыя приемый.

Радуйся, силою Божиею их изгоняяй.

Радуйся, оставленным врачами предивное поможение.

Радуйся, яко от смертоносных язв многих свобождаеши.

Радуйся, болящих младенцев присный врачевателю.

Радуйся, скорбящих их родителей благий утешителю.

Радуйся, проповедниче покаяния и ходатаю нашего спасения.

Радуйся, смиренномудрия и терпения учителю.

Радуйся, святый праведный Иоанне, скорый помощниче и преславный чудотворче.


Кондак 11

 

Пение всеумиленное приносим Христу Богу, прославльшему тя, праведне Иоанне, яко дарова нам великаго заступника, утешителя и молитвенника о спасении православных христиан по всему лику земли обитающих. Темже славим тя, просяще твоего предстательства пред Господем о стране нашей, да избавимся от нашествий иноплеменных и междоусобных браней, и возможем в мире и тишине воспевати Христу Богу песнь: Аллилуиа.


Икос 11

 

Светозарный светильник Божия благодати явился еси, праведне Иоанне, духовным сиянием подвигов твоих и чудес просветивый земли Асии и Эллады: ты бо, Русскою землею рожденный, повсюду источаеши чудес величество и молишися о всех любящих и чтущих тя. Темже убо моли Христа Бога Отечеству твоему и всей стране Гречестей непоколебимыми и безмятежными быти, от навет вражиих и от агарянскаго нашествия их огради, воинству православному победу на враги даруй, да к тебе, яко крепкому о нас молитвеннику, взываем сице:

Радуйся, Церкви Вселенския Православныя преславное украшение.

Радуйся, о людех православных пред Богом дивный предстателю.

Радуйся, во дни бед и испытаний в земли Эллады чтущих тя не оставивый.

Радуйся, об Отечестве нашем и народе его теплый молитвенниче.

Радуйся, Ангеле земли нашея, во стране Гречестей прославленный.

Радуйся, и во Отечестве твоем благоговейне почитаемый.

Радуйся, светильниче, омраченныя души просвещаяй.

Радуйся, лампадо златая, елеем милости исполненная.

Радуйся, радости духовныя чтущим тя подателю.

Радуйся, спасительное христиан прибежище.

Радуйся, яко тобою страстей очищение приемлем.

Радуйся, у Престола Божия о нас, недостойных, ходатаю.

Радуйся, святый праведный Иоанне, скорый помощниче и преславный чудотворче.


Кондак 12

 

Благодать Духа Святаго, живущая в тебе, блаженне, дивно показася в нетлении твоих честных мощей, в чудесех от них и исцелениих, ихже любовию лобызающе, славим о тебе Христа Бога, дивнаго во святых Своих. Сего ради не забуди и нас, усердно призывающих тя во времена тяжких бед и напастей, и молитвами твоими от них избави, не престани ходатайствовати всем нам телеснаго здравия и душевнаго спасения, со благоговением чтущих святую память твою и поющих Богу: Аллилуиа.


Икос 12

 

Поюще подвиги многострадальнаго жития твоего, почитаем страдания, хвалим долготерпение, славим кротость и смирение, ублажаем святую твою кончину и почитаем тя, яко небеснаго предстателя нашего, ты бо от бед и скорбей избавляеши, недуги врачуеши, печали утоляеши всех почитающих тя. Благодарим и величаем прославившаго тя Господа, даровавшаго нам дивнаго молитвенника и чудотворца, Егоже умоли спастися всем поющим ти таковая:

Радуйся, добропобедный воине Царя Небеснаго.

Радуйся, великий Христов угодниче.

Радуйся, плачем и скорбьми временными утешения вечнаго сподобивыйся.

Радуйся, кротостию своею и смирением землю праведных унаследивый.

Радуйся, чистотою и целомудрием от Бога украшенный.

Радуйся, цветом неувядаемым почтенный на Небеси.

Радуйся, Ангельских Воинств собеседниче.

Радуйся, яко с преподобными и праведными светло торжествуеши.

Радуйся, милостивое заступление Божия Матере к нам приклоняяй.

Радуйся, светильниче, любовию своею нас освящаяй.

Радуйся, всех святых земли Русския сонаследниче.

Радуйся, яко предстоиши ныне со всеми святыми Престолу Божию.

Радуйся, святый праведный Иоанне, скорый помощниче и преславный чудотворче.


Кондак 13

 

О пречудный и преславный чудотворче, святый праведный Иоанне, земли Русския благодатное рождение, подвижников Эллады похвало и украшение! Приими от любящих тя сердец малое сие моление и принеси его ко Христу Богу нашему, да сохранит нас от враг видимых и невидимых, от недуга и глада, от всякия скорби и внезапныя смерти, и сподобит вкупе с тобою во Царствии Небеснем непрестанно пети Спасителю нашему и Богу песнь: Аллилуиа.

(Этот кондак читается трижды, затем икос 1 и кондак 1)


Молитва

 

О всеблаженный исповедниче Христов и великий чудотворче Иоанне, Эвбея скоровище, Греческия страны похвало и людей русских сродниче! Ты в пленении агарянском лютая биения и влас сожжение твердо за Христа претерпел еси, благочестием же своим, подвиги и чудесы верныя премного укрепил еси, неверныя же умягчил еси и просветил, по кончине же безчесленными чудесы и исцеленьми просияваеши. Вемы, угодниче Божий, яко велие дерзновение имаши ко Господу, нам же, бедствующим, сострадаеши тако тепле, яко не терпиши и зрети ны в лютых недузех или тяжких скорбех сущими, и сего ради и непризываемый скоро притекаеши, телеса и души врачуя, бесы изгоняя, заблуждшия обращая, наипаче же от малых детей всякую болезнь и горесть отгоняя. Се бо и ныне греси мнози отяготиша ны и изнуряющими скорбьми души наша сотрошася, силы же телесныя оскудеша, и како унынию и тягостней печали противостати возможем, аще не ты сам, святче Божий, востанеши по нас и противу врагов наших благодатне ополчишися! Испроси же, благоприятными твоими ко Господу молитвами, телесными недуги страждущим совершенное исцеление, всем же спасительное терпение и благодарение; скорби, бесовския наветы и искушения отврати; вся же, елика попустит Господь, научи во очищение понести благоразумне; нас же, во тьме неведения и забвения заповедей Божиих сущих, просвети, выну неуклонне творити волю Божию настави, безплодия духовнаго разреши, очищение, освящение и просвещение душам нашим даруй, да с тобою вкупе выну и во веки веков прославим Всеблагаго Бога и Пречистую Богородицу. Аминь.


ЖИТИЕ

 

Святой исповедник Иоанн Русский родился около 1690 года на территории нынешней Украины и воспитывался в благочестии и любви к Церкви Божией. Он был призван на воинскую службу, служил простым солдатом в армии Петра I и участвовал в русско-турецкой войне. Вместе с другими воинами был взят в плен татарами, которые продали его аге, начальнику турецкой конницы. Тот привез его к себе на родину, в Малую Азию, в селение Прокопион. Пленных воинов-христиан турки старались обратить в мусульманство: одних уговорами и соблазнами, других, более стойких, избивали и мучили. Святой Иоанн не прельстился обещанными земными благами и мужественно переносил жестокости, унижения и побои. Смелые слова и твердая вера исповедника, его бесстрашие и праведная жизнь смирили жестокое сердце господина. Он перестал мучить и поносить пленника, не принуждал больше к отречению от христианства, а заставил только ухаживать за скотом и содержать в порядке конюшню, в углу которой была постель святого Иоанна.

С утра до позднего вечера угодник Божий служил своему господину, добросовестно исполняя все его приказания. Другие рабы нередко издевались над ним. Праведный Иоанн никогда не сердился на них. Хозяин стал настолько доверять ему и уважать за честность и благородство, что предложил ему жить как свободному и поселиться, где он сам пожелает. Однако подвижник предпочел остаться в помещении конюшни, где каждую ночь мог беспрепятственно подвизаться в молитвенном уединении, укрепляясь в добре и любви к Богу и людям.

Господь, испытующий сердца, призрел на доброту и смирение Своего верного раба и сделал так, что другие рабы и иноверные перестали издеваться над ним, высмеивать и оскорблять его.

Вскоре хозяин св. Иоанна разбогател и стал одним из самых влиятельных людей Прокопиона. Он чувствовал, откуда снисходило благословение на его дом, и везде рассказывал об этом своим согражданам.

Став самостоятельным, ага решил предпринять паломничество в Мекку. Трудно было в то время совершать такое далекое путешествие, но, преодолев все лишения и опасности дороги, хозяин Иоанна через некоторое время благополучно прибыл в святой для мусульман город.

В эти дни жена аги пригласила в Прокопион на обед родственников и друзей мужа, чтобы повеселиться и помолиться о его благополучном возвращении домой. Блаженный Иоанн прислуживал в столовой. Подавали любимое блюдо аги - плов. Хозяйка, вспоминая своего мужа, сказала Иоанну: «Как же рад бы был твой хозяин, Иван, если бы он был здесь и вкушал с нами этот плов!» Тогда Иоанн попросил хозяйку дать ему блюдо, наполненное пловом, обещая послать его в Мекку. Гостям это показалось очень смешным. Все-таки хозяйка повелела своей поварихе приготовить Иоанну блюдо с пловом. Про себя же она подумала, что он либо сам захотел полакомиться им, либо решил отдать его какой-нибудь бедной христианской семье. Она знала, что Иоанн часто отдавал свою еду бедным грекам. Иоанн взял блюдо и ушел в конюшню. Став на колени, он горячо и от всей души молился Богу, чтобы Он послал плов хозяину. В своей простоте блаженный был совершенно уверен, что Господь услышит его молитву и что плов каким-то сверхъестественным образом попадет в Мекку. Иоанн верил, не сомневаясь и совершенно не рассуждая, по слову Господа, что Господь исполнит его просьбу.

И действительно, блюдо с пловом на глазах Иоанна исчезло. Блаженный конюх вернулся к хозяйке и сообщил, что еда отправлена в Мекку. Услышав это, гости засмеялись и решили, что Иоанн сам все съел и только в шутку рассказал им, что послал плов хозяину.

Но как же удивились все в доме аАги, когда тот по прошествии некоторого времени вернулся из Мекки и привез с собой домашнее медное блюдо. Только блаженный Иоанн не изумился. Своим домашним ага рассказал следующее: «Однажды (а это было как раз во время званного обеда) я вернулся из большой мечети в дом, в котором остановился. Войдя в комнату, которая была заперта на ключ, я нашел на столе блюдо с пловом. Я остановился в недоумении, соображая, кто же мог принести его мне? Я не мог понять каким образом была открыта замкнутая дверь. Не объяснив это странное событие, я с любопытством рассматривал блюдо, в котором дымился горячий плов, и, к своему удивлению, заметил, что на нем выгравировано мое имя, как и на всей медной посуде в нашем доме. Несмотря на душевное  волнение, вызванное этим происшествием, я съел плов с большим удовольствием. И вот я вам привез это блюдо. Оно ведь действительно наше. Никак не могу понять, как оно очутилось в Мекке и кто его принес». Все домашние аги были ошеломлены этим рассказом. Жена, в свою очередь, рассказала ему, как Иоанн выпросил блюдо с едой, обещая послать его в Мекку, и как все гости смеялись, услышав слова Иоанна. Оказалось, что блаженный вовсе не шутил и все действительно так и случилось.

Весть о чуде распространилась по всему селу и окрестностям. В то же время праведный Иоанн по-прежнему служил своему господину и, несмотря на свою бедность, всегда помогал нуждающимся и делил с ними свою скудную пищу. Своей жизнью он умилил турок, и они в восхищении начали называть его «Вели» - «Святой». Все: и турки и греки - стали почитать Иоанна как любимого Богом праведника.

В конце своей жизни святой Иоанн занемог и, чувствуя приближение кончины, пожелал причаститься Святых Христовых Таин. Из-за фанатизма турок священник побоялся открыто принести Святые Дары в конюшню. Но Бог вразумил его спрятать их в яблоке. Причастившись, святой Иоанн предал свою душу в руки Божии. Произошло это 27 мая 1730 года. Когда хозяину сообщили, что раб Иоанн умер, он позвал священников и предал им тело святого Иоанна, которые погребли его по христианскому обычаю.

Через три с половиной года священник был чудесно извещен во сне о том, что мощи святого Иоанна пребывают нетленными. Вскоре святые мощи праведника были перенесены в храм святого великомученика Георгия и положены в специальной раке. Новый угодник Божий стал прославляться неисчислимыми благодатными чудесами, известия о которых распространились в отдаленные города и селения.

Следующее важное событие произошло в 1832 году. В тот год против турецкого султана Махмуда II восстал в Египте Ибрахим-паша. Войско султана приближалось к Прокопиону, но жители села, преимущественно враждебные султану янычары, не хотели пропускать армию. Христиане-греки, испугавшись мести султанского войска, были против такого упрямства. Но, будучи в меньшинстве, они ничего не могли поделать и спешили укрыться в окрестных селениях или в пещерах. Надо было спешить, пришлось оставить дома старых и больных. Наконец, враг вошел в Прокопион.

Воины разграбили и все дома и церковь святого Георгия. Они вскрыли гробницу святого Иоанна и, не найдя в ней никаких ценностей, с гневом выбросили святые мощи во двор и даже хотели их сжечь, чтобы посмеяться над христианами. Они разожгли костер... Но не нашли выброшенных мощей. Каким-то чудом мощи вернулись в церковь. Не вразумившись этим, воины вынесли их во двор снова и положили в костер. И тут воины увидели живого Иоанна: он стоял посреди огня и грозил им за дерзость. И слова, и жесты его были страшными. Тут уже турки не выдержали, в ужасе разбежались, оставив в покое не только мощи святого, но и побросав все награбленное в Прокопионе.

На другой день несколько стариков-христиан пришли к церкви святого Георгия. В кострище нашли тело святого. Оно оказалось целым среди углей и пепла. Хотя тело святого и почернело от дыма и копоти, но оставалось при этом по-прежнему благоуханным и нетленным. Верующие положили мощи святого обратно в его раку.

В 1924 году жители Прокопиона Кесарийского, переселяясь на остров Эвбею, перенесли с собою и мощи святого Иоанна Русского, где они почивают и ныне.



          


Может быть интересным



Реклама


Реклама


Информация
Посетители, находящиеся в группе Гости, не могут оставлять комментарии к данной публикации.

управление размером текста

Α + Увеличить | α - Уменьшить

разделы сайта

обратите внимание

ThePrayerBook.info - Молитвенник также (паралельно) доступен и по короткому адресу pb.pe

Админситарция сайта ищет соавторов для дальнейшего ведения сайта. Желающим обращаться через форму обратной связи

опрос

Вы из ?

Все опросы

Реклама

Православные фильмы онлайн